"SPINX" Project

Սա մեր ամենամեծ նախագիծերից մեկն է: Տվյալ նախագծում մեր հիմնական խնդիրն էր Երեվանի լավագույն կազինոներից մեկ` "ՓԱՐԱՎՈՆ" կազինոն, ձևավորել հին եգիպտական ոճով: Դիզայնի բաղկացուցիչ մասերից են մուտքի մեծ արձանները, սֆինքսերի հիմքի վրա պատրաստված սեղանը և այլ հին եգիպտական ոճի ձևավորման դետալներ: Մուտքի երկու կողմերում տեղադրված ապակեպլաստե սֆինքսերի պատվանդանները պատրաստված են կարմիր տուֆից, որը օգնում է ընդգծելու մուգ արձանները: Արձանների յուրահատուկ դետալներն ու գույները ավելի առանձնահատուկ են դառնում հատկապես գիշերը` արհեստական լուսավորության ներքո: Հատկապես ոսկեգույնը, որը ընդգծում է սֆինքսերին և նրանց դարձնում տեսանելի մթության մեջ, բավական հեռու տարածությունից:

"TU-154" Project

Այս ինքնաթիռի մոդելը մեր մեկ այլ գերազանց ձեռքբերումներից մեկն է: Այն տեղադրված է "Վան Տուր" ճամբորդական գործակալության դիմաց և հանդիսանում է ՏՈՒ-154 ինքնաթիռի փոքր չափսերի պատճեն: Ինքնաթիռը պատրաստված է ապակեպլաստից և ներսում տեղադրված են էլեկտրական լույսեր: Այս ինքնաթիռի մոդելը հանդիսանեում է որպես տուրիզմի և ճամբորդության խորհրդանիշ: Այն հուշում է անցորդներին և պոտենցիալ հաճախորդներին, տվյալ հաստատության զբաղմունքի ասպարեզը, առանց ներս մտնելու անհրաժեշտության և հանդիսանում է ապագա հաճախորդներին գրավելու և տվյալ գործակալությունը գովազդելու յուրահատուկ միջոց:

"G.U.M." Project

"ՏԱՇԻՐ" առևտրաին կենտրոնը (նախկինում "ԳՈՒՄ") հոգեհարազատ է յուրաքանչյուր երեվանցուն: Այն գրավում է մարդկանց ամբողջ հայաստանով մեկ և հայտնի է իր ապրանքատեսականու բարձր որակով: Կառույցի ժամանակակից ոճը գերում է մարդկանց հայացքը: Այն վերանորոգվել է վերջերս և մենք արժանացել ենք վերին հարկի սյունազարդման պատվին: Մեր պատրաստած ապակեպլաստե սյուները լավագույնս համապատասխանեցին կառույցի ժամանակակից ոճին: Բացի այդ, ապակեպլաստի ընտրությունը տվյալ նաղագծում պատահական չէր, քանի որ ապակեպլաստը լինելով անհամեմատ թեթև չէր ազդում կառույցի սեյսմիկ կայունությանը: Ինչպես նաև այն հանգամանքը որ սյուները գտնվելու էին դրսում` մթնոլորտի և արևի ազդեցության ներքո, նույնպես խոսում էր ապակեպլաստի օգտագործման օգտին, որպես առկա ամենադիմացկուն և ամուր նյութերից մեկը: